Փարիզում պայթյուն է տեղի ունեցել, որի հետևանքով առնվազն 16 մարդ վիրավորում է ստացել: Այս մասին հայտնում է Reuters-ը` հղում անելով Փարիզի ոստիկանական վարչությանը:
Հաղորդվում է, որ վիրավորներից յոթի վիճակը ծայրահեղ ծանր է:
Պայթյունը տեղի է ունեցել «Փարիզի ամերիկյան ակադեմիա» դիզայներական դպրոցից ոչ հեռու: Շենքի ճակատային հատվածը փլվել է:
Ականատեսների վկայությամբ` պայթյունից առաջ իրենք գազի սուր հոտ են զգացել: Դեպքի վայրում աշխատում է 230 հրշեջ, տեղում են նաև բուժաշխատողները:
Նշենք, որ պայթյունի հետևանքով այրվել են նաև հարևան շենքերից մի քանիսը:
