Արսեն Թորոսյանն անդրադարձել է համավարակի հետ կապված քրեական գործին
Քովիդի հետ կապված քրեական գործին Ազգային ժողովում անդրադարձել է նաև ԱԺ պատգամավոր Արսեն Թորոսյանը:
Պատգամավորը հերքել է մամուլում շրջանառվող տեղեկությունը, թե ՀՀ գլխավոր դատախազությունը խորհրդարանին իրեն անձեռնմխելիությունից զրկելու միջնորդություն է ներկայացնելու:
Թորոսյանը նաև հերքել է լուրերը, թե պատրաստվում է վայր դնել մանդատը: Նա նաև վերահաստատել է ավելի վաղ արված հայտարարությունը, որ ցանկացած պահի պատրաստ է հարցաքննության:
Արսեն Թորոսյան (ՀՀ ԱԺ «Քաղաքացիական պայմանագիր» խմբակցության պատգամավոր) - Բազմիցս տարբեր խողովակներով փոխանցել եմ, որ այդ գործը մի 9 ամիս քննվում է, որ առաջին օրվանից էլ պատրաստ եմ եղել հարցաքննության, հիմա էլ պատրաստ եմ, հրապարակումիցս հետո էլ էլի պատրաստ եմ: Ես կոնկրետ գործով հայտարարություններ եմ արել և սպասում եմ գործողությունների:
