Ատոմային էներգիայի միջազգային գործակալության առաքելությունը Զապորոժիե քաղաք է ժամանել Զապորոժիե ԱԷԿ այցի նախօրեին՝ հաղորդում են արևմտյան ԶԼՄ-ները:
Ըստ France Presse Agence-ի՝ Մոսկվայի ժամանակով ժամը 14:00-ին Զապորոժիե է մտել 19 մեքենայից բաղկացած շարասյունը, որից առնվազն 10-ը՝ ՄԱԿ-ի տարբերանշանով:
Առաքելությունը ներառում է Ատոմային էներգիայի միջազգային գործակալության քարտուղարության մոտ մեկ տասնյակ աշխատակիցների, որոնք զբաղվում են երաշխիքների խնդրով և միջուկային անվտանգության հարցերով։ Նրանց ուղեկցում է ՄԱԿ-ի աշխատակիցների մեծ թիմ, որը զբաղվում է նյութատեխնիկական ապահովման և անվտանգության հարցերով:
