McDonald's արագ սննդի ռեստորանների ցանցի հայտարարությունը Ռուսաստանից վերջնական դուրս գալու մասին չի նշանակում, որ սննդի կետերը կփակվեն։ Հունիսի կեսերին նրանք կվերսկսեն աշխատանքը այլ ապրանքանիշի ներքո՝ հաղորդում է ՏԱՍՍ-ը՝ հղում անելով ընկերությունում իր աղբյուրին։
Ըստ տեղեկության՝ նոր ցանցը կպահպանի թիմն ու ճաշացանկը։ Մատակարարների հետ համագործակցությունը նույնպես կշարունակվի, քանի որ նրանց ավելի քան 90 տոկոսը ռուսական ընկերություններ են։
McDonald's-ը Ռուսաստանում առաջիկա փակման մասին հայտարարել էր մարտի սկզբին։ Այդ որոշման պատճառը Ուկրաինայում ռուսական զորքերի գործողություններն էին։ Ռուսաստանի քաղաքներում ցանցի ռեստորանների մեծ մասը փակվեց մարտի 14-ին, մինչդեռ ընկերությունը շարունակում էր վճարել վարձավճարը և անձնակազմի աշխատավարձերը:
