Կատալոնիան մի քանի օրվա ընթացքում կհայտարարի Իսպանիայից իր անկախանալու մասին, հայտարարել է երկրամասի ղեկավար Կառլես Պուչդեմոնը: Հանրաքվեի ժամանակ տեղի ունեցած ոստիկանական բռնությունների դեմ բողոքի համընդհանուր գործադուլին շուրջ 700 հազար մարդ է միացել: Կատալոնցիները Փարիզում և Լոնդոնում ևս բողոքի ցույցեր են անցկացրել: Թագավոր Ֆելիպե 6-րդը տեսաուղերձով դիմել է Իսպանիայի ժողովրդին ու ևս մեկ անգամ կարծիք հայտնել, որ Կատալոնիան կմնա Իսպանիայի կազմում: Վերջին տվյալներով, կիրակի՝ հանրաքվեի օրը, 893 քաղաքացիական և 33 ոստիկան էր վիրավորվել:
