Հաստատվել է Փոքր Վեդու սեյսմակայուն նոր դպրոցի նախագիծը: Այս մասին Ֆեյսբուքի իր էջում գրել է Վեդի համայնքի ղեկավարի պաշտոնակատար Գարիկ Սարգսյանը:
«Այսօր իմ կողմից համաձայնություն տրվեց Փոքր Վեդու սեյսմակայուն նոր դպրոցի նախագծին։ Առաջիկա մեկ երկու ամսում կիրականացվի մրցույթը, և արդեն տարվա երկրորդ կեսին կմեկնարկի շինարարությունը, որը կտևի շուրջ 2 տարի։
Դպրոցն ունենալու է 9 բալ սեյսմակայունություն, լինելու է ջերմամեկուսացված և հարմարեցված։
Նման կրթօջախում սովորելը և աշխատելը կլինի ավելի պարտավորեցնող»,- գրել է Սարգսյանը։
