Լիլիթ Մակունցը և Արտակ Բեգլարյանը քննարկել են ԱՄՆ-ում արցախցիների իրավունքների պաշտպանությանն առնչվող հարցեր
Արցախի Հանրապետության պետական նախարար Արտակ Բեգլարյանի պատվին նոյեմբերի 3-ին ԱՄՆ-ում ՀՀ դեսպանատանը կազմակերպվել է ընդունելություն, և տեղի է ունեցել հանդիպում դեսպան Լիլիթ Մակունցի հետ: Այս մասին տեղեկանում ենք Արցախի Հանրապետության պետական նախարարի աշխատակազմից:
ՀՀ դեսպան Լիլիթ Մակունցի հետ հանդիպմանը քննարկվել են Արցախի պետական նախարարի այցին և ԱՄՆ-ում արցախցիների իրավունքների ու շահերի պաշտպանությանն առնչվող մի շարք հարցեր:
Արտակ Բեգլարյանը հանդիպումներ է ունեցել նաև Ամերիկայի Հայ դատի հանձնախմբի և Ամերիկայի հայկական համագումարի՝ Վաշինգտոնում գործող գրասենյակների ղեկավարների հետ, ներկայացրել Արցախի ապագայի տեսլականը և քննարկել արդյունավետ համագործակցության հեռանկարները:
Բոլոր հանդիպումներին մասնակցել է նաև ԱՄՆ-ում ԱՀ մշտական ներկայացուցիչ Ռոբերտ Ավետիսյանը:
