Հոկտեմբերի 30-ին Գորիսի համայնքային ոստիկաններն ու պարեկապահակային ծառայության դասակի ոստիկանները հերթական շրջայցի ժամանակ ստուգել են Սյունիքի մարզի Բարձրավան գյուղի 56-ամյա բնակչի՝ փայտանյութով բեռնված «Ֆորդ Տրանզիտ» մեքենան:
Վարորդը փայտանյութի օրինականությունը վկայող փաստաթուղթ չի ներկայացրել։ Փայտանյութով բեռնված մեքենան տեղափոխվել է բաժնի հատուկ պահպանվող տարածք: Պարզվել է, որ նա մեկ շաբաթ առաջ Բարձրավան գյուղի հարակից անտառում կաղնի և բոխի էր ապօրինի հատել։ Նշանակվել է մասնագիտական ստուգում։ Հանգամանքները քննությամբ պարզվում են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
