Ղրղզստանի «Էդելվայս» ուսումնավարժական զորավարժարանում մեկնարկել է ՀԱՊԿ «Սահման-2021» (Рубеж-2021) հավաքական անվտանգության Կենտրոնական Ասիայի տարածաշրջանի արագ տեղակայման հավաքական ուժերի համատեղ վարժանքների ակտիվ փուլը: Ղրղզըստանի պաշտպանության նախարարությունը պարզաբանել է, որ զորավարժությունների ընթացքում զինծառայողները համատեղ կիրականացնեն հակաահաբեկչական գործողություն, ռազմական գործողությունների նախապատրաստում և իրականացում՝ ՀԱՊԿ անդամ պետության տարածք ներխուժած պայմանական անօրինական զինված կազմավորումների ոչնչացման համար:
«Ռուբեժ-2021» համատեղ զորավարժություններին մասնակցում են Ղազախստանի, Ղրղզստանի, Ռուսաստանի, Տաջիկստանի զինծառայողները, Ղրղզստանի ներքին գործերի նախարարության, արտակարգ իրավիճակների նախարարության և սահմանապահ ծառայության հատուկ նշանակության ստորաբաժանումները:
Ռազմական վարժանքներին ընդհանուր առմամբ, ներգրավված է ավելի քան 1000 մարդ և 150 միավոր ռազմական և հատուկ տեխնիկա, ինչպես նաև բազմաթիվ հրթիռային համակարգեր, կործանիչներ, գրոհային ինքնաթիռներ, ուղղաթիռներ և անօդաչու թռչող սարքեր:
