Եվրոպա լիգայի խաղարկության որակավորման փլեյ-օֆֆ փուլի առաջին խաղում Հայաստանի չեմպիոն «Ալաշկերտն» արտագնա խաղում ուժերը չափեց շոտլանդական «Գլազգո Ռեյնջերսի» հետ։
Առաջին խաղակեսում գոլեր չգրանցվեցին: Խաղակեսի ավարտից 2 րոպե առաջ շոտլանդական թիմի կիսապաշտպան Լունդսրամը 2-րդ դեղին քարտն ստացավ ու հեռացվեց խաղադաշտից:
Երկրորդ խաղակեսի 67-րդ րոպեին տանտերերի հարձակվող Ալֆրեդո Մորելոսը, մտնելով տուգանային հրապարակ, Չանչարևիչի ոտքերի արանքով գնդակն ուղարկեց «Ալաշկերտի» դարպասը՝ 1:0:
Թիմերի միջև պատասխան հանդիպումը կկայանա օգոստոսի 26-ին՝ Երևանում:
