Եգիպտոսում Սինայի թերակղզու հյուսիսային շրջանի ճանապարհներից մեկում պայթյուն է որոտացել, որի հետևանքով զոհվել է երկրի անվտանգության ուժերի 8 զինվորական, այդ թվում՝ մեկ սպա. ևս 6 մարդ վիրավորվել է: Այս մասին հայտնում է Al Jazeera-ն:
Պայթյունի պահին զինվորականները եղել են զրահամեքենայում: Տուժածները տեղափոխվել են զինվորական հոսպիտալ: Ահաբեկչության պատասխանատվությունը ստանձնել է «Իսլամական պետություն» ահաբեկչական խմբավորումը:
Տարիներ շարունակ Եգիպտոսում պայքարում են հյուսիսային Սինայում զինված խմբավորումների դեմ:
