Իրանի սահմանով Թուրքիա անցնող աֆղանստանցի փախստականների թիվն աճում է
Ամերիկացի զինվորականների՝ Աֆղանստանից դուրս գալու մասին պայմանավորվածություններից հետո հաճախակիացել են այդ երկրից Իրանի տարածքով Թուրքիա մուտք գործելու ապօրինի դեպքերը` փոխանցում է Ermenihaber-ը: Այդ անցումները տեղի են ունենում հիմնականում Վանի նահանգի հատվածից, ու հաճախ տեղացի բնակիչների կողմից նկարահանվում և տարածվում են սոցցանցերում:
Նմանատիպ մի տեսանյութ է հրապարակել թուրքական «Artı gerçek» լրատվակայքը, որում երևում է Վան անցնող ավելի քան 100 հոգանոց փախստականների խումբը:
Նշվում է, որ միայն վերջին մեկ շաբաթվա ընթացքում Իրանի կողմից Թուրքիայի սահմանն ապօրինի հատած ավելի քան 1500 փախստական է ձերբակալվել այդ երկրի համապատասխան ծառայությունների կողմից: Ձերբակալվածների ճնշող մեծամասնությունը Աֆղանստանից է:
Թուրքիայում քիչ չեն փախստականների ապօրինի տեղափոխմամբ զբաղվող անձինք: Նրանք գումարի դիմաց փախստականներին գաղտագողի ճանապարհներով հասցնում են երկրի արևմտյան սահման, որտեղից արդեն փախստականները փորձում են անցնել Եվրոպա:
Türkiye-İran sınırından yeni görüntüler: Yüzlerce Afgan göçmen toplu halde sınırı geçti
— Artı Gerçek (@artigercek) July 27, 2021
Seda TAŞKIN'ın haberi @sedaa_tsknhttps://t.co/YYJkYXm9iG pic.twitter.com/wvswJfJd5g
