Կհիմնանորոգվի Առատաշեն համայնքի Մաշտոցի փողոցից դեպի Տարոնիկի հատվածի շուրջ 5000 քմ ասֆալտբետոնե ծածկույթը
Համայնքների տնտեսական և սոցիալական ենթակառուցվածքների զարգացմանն ուղղված համաֆինանսավորման սուբվենցիոն ծրագրի շրջանակում լուծում կստանա Առատաշեն համայնքի համար կենսական նշանակություն ունեցող խնդիրներից մեկը՝ կհիմնանորոգվի Մաշտոցի փողոցի 7 մ երթևեկելի լայնությամբ և 700 մ երկարությամբ հատվածը:
Ինչպես հայտնում են ՀՀ Արմավիրի մարզպետարանից, ծրագրով նախատեսված աշխատանքների շրջանակում, մասնավորապես, կիրականացվի բիտումի լցաբաշխում, մանրահատիկ ասֆալտբետոնով 5 սմ հաստությամբ ճանապարհային ասֆալտի կառուցում և կավ-ավազային խառնուրդով ճանապարհային եզրերի 0,5 մ լայնքով հատվածի 8-10 սմ հաստությամբ զանգվածի լցում և տոփանում՝ ավելի քան 400 քմ:
Ծրագրի մեկնարկային ժամկետը օգոստոսի 1-ն է: Նախատեսվող աշխատանքների իրականացման ընթացքում կստեղծվի 10 ժամանակավոր աշխատատեղ: Շահառուների թիվը 15000 է:
