ԱՄՆ դեմոկրատ սենատորներ Էդուրադ Մարքին, Ռոն Ուայդենն ու Ջեֆ Մերքլին հայտարարել են Թուրքիայում մարդու իրավունքների խախտումները դատապարտող բանաձև ընդունելու վերաբերյալ ևս մեկ առաջարկ անելու մասին: Այս մասին նշվում է սենատոր Էդուրադ Մարքիի պաշտոնական կայքում:
Նշվում է, որ Թուրքիայում մարդու իրավունքների կոպիտ խախտումները շատացել են երկրում տեղի ունեցած 2016-ի հեղաշրջման փորձից հետո: Թուրքիայի նախագահ Ռեջեփ Թայիփ Էրդողանի կառավարությունը արշավ է սկսել լրագրողներին, քաղաքական հակառակորդներին, վտարանդիներին, ակտիվիստներին, փոքրամասնությունների ներկայացուցիչներին, ինչպես նաև արտասահմանում բնակվող թուրքերին լռեցնելու համար:
Այս օրինագծով հստակ է դառնում, որ Միացյալ Նահանգները պետք է իր կարևորագույն լծակներն օգտագործի Թուրքիայում ժողովրդավարության առաջընթացի հետագա քայքայումը կանխելու համար: Սենատորներ Էդուրադ Մարքին ու Ռոն Ուայդենն Թուրքիայում մարդու իրավունքների խախտումները դատապարտող բանաձև են ներկայացրել 2017-ին և 2019-ին:
