Ֆրանսիայի Ռամբույե քաղաքում զինված տղամարդը ոստիկանատանը հարձակվել է կին ոստիկանի վրա և դանակով մի քանի անգամ հարվածել նրա կոկորդին: Ոստիկանը մահացել է, իրավապահներին դիմադրություն ցույց տալու ընթացքում մահացել է նաև հարձակվողը, որը Թունիսի քաղաքացի էր, հայտնում է ТАСС-ը:
Ֆրանսիայի իշխանությունը կատարվածը որակել է ահաբեկչություն, որը, ըստ մասնագետների, նախապես լավ ծրագրված էր: Նախագահ Մակրոնը, մեկնաբանելով Ռամբույե համայնքում ոստիկանի սպանությունը, վստահեցրել է, որ Ֆրանսիան չի հանձնվի իսլամական ահաբեկչության դեմ պայքարում:
