Գերմանիայի առողջապահության նախարարության ղեկավար Յենս Սպանը AstraZeneca պատվաստանյութի շուրջ ստեղծված իրավիճակը համարել է «հարված» Կովիդ-19-ի դեմ պարքարին: Հաղորդում է РИА Новости-ն:
Ըստ նրա, հարված է այն փաստը, որ երկրում առկա դեղամիջոցներից մեկը կարող է մեծ վտանգ ներկայացնել որոշակի տարիքային խմբի համար:
Նշվում է, որ ավելի վաղ Ռոբերտ Կոխի ինստիտուտում պատվաստումների մշտական հանձնաժողովը փոխել էր իր առաջարկությունները AstraZeneca-ի օգտագործման վերաբերյալ: Եզրակացության համաձայն, դեղը նախատեսված է միայն 60-ից բարձր տարիքի մարդկանց համար, իսկ երիտասարդների մոտ պատվաստումից հետո 4-16 օրվա ընթացքում հազվադեպ դեպքերում այն կարող է հանգեցնել թրոմբոզի:
Մարտի 30-ին Գերմանիայի առողջապահության նախարարը հայտարարեց, որ AstraZeneca պատվաստանյութը կօգտագործվի միայն 60 տարեկանից բարձր մարդկանց համար: Ընդ որում պատվաստումը կիրականացվի միայն բժշկի կողմից քաղաքացու առողջական վիճակի գնահատումից հետո և անհատական ռիսկի վերլուծության դեպքում:
