Կալիֆոռնիայի Սան Դիեգո քաղաքում բախվել են Դոնալդ Թրամփի կողմնակիցներն ու հակառակորդները, տեղեկացնում է ՌԻԱ Նովոստին։
Շաբաթ օրը Սան Դիեգոյի ափամերձ հատվածում մեկնարկել է Թրամփի կողմնակիցների երթը, սակայն շուտով հայտնվել են ԱՄՆ գործող նախագահի հակառակորդները, այդ թվում՝ հակաֆաշիստական խմբավորումներ․ արդյունքում տեղի են ունեցել բախումներ:
Ոստիկանությունը ցույցը համարել է անօրինական և ձեռնարկել համապատասխան գործողություններ՝ անկարգությունները դադարեցնելու համար:
«Բոլոր խմբերը լքել են տարածքը», - ավելի ուշ տեղեկացրել է Սան Դիեգոյի ոստիկանությունը:
Pacific Beach Update (FINAL 6:06PM):All the groups have left the area.
— San Diego Police Department (@SanDiegoPD) January 10, 2021
We will always facilitate peaceful protests. However, we will not tolerate acts of violence.
Հիշեցնենք՝ հունվարի 6-ին հեռացող նախագահ Դոնալդ Թրամփի կողմնակիցները գրոհել էին Կոնգրեսի շենքը և փորձել խափանել Ջո Բայդենի հաղթանակի հաստատման գործընթացը։ Հունվարի 10-ի դրությամբ հայտնի է 5 զոհի մասին։
