Այսօր Երեւանից Ստեփանակերտ ավտոբուսներով տեղափոխվել է 488 տեղահանված: Ավտոբուսներն ուղեկցել են Ռուսաստանի խաղաղապահ զորախմբի պարեկները և ռազմական ոստիկանությունը: Այս մասին տեղեկանում ենք ՌԴ ՊՆ կայքից:
Ռուսաստանի խաղաղապահ զորակազմի զինծառայողներն ապահովում են քաղաքացիների անվտանգ վերադարձն իրենց մշտական բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները: Քսաներեք դիտակետերում իրականացվում է նաև հրադադարի ռեժիմի պահպանման հսկողության և իրավիճակի շուրջօրյա մշտադիտարկում:
Արցախի իրենց մշտական բնակության վայր է վերադարձել ավելի քան 43 հազար տեղահանված:
