2017 թվականին «Եվրատեսիլ» երգի փառատոնն անցկացվելու է Ուկրաինայում: Բայց այնտեղ բավական երկար ժամանակ չէին կարողանում որոշել, թե երեք հիմնական քաղաքներից՝ Կիևից, Օդեսայից և Դնեպրից, որը պետք է հյուրընկալի միջազգային մրցույթի մասնակիցներին:
Նախորդ օրը վերջապես որոշվեց, որ դա լինելու է Կիևը: Այդուհանդերձ, Կիևի հաղթանակը Օդեսայի մարզի նահանգապետ Միխեիլ Սաակաշվիլիին ամենևին չի գոհացրել: Նա հայտարարել է, որ Օդեսան առանց Եվրատեսիլի թողնելու որոշումից հետո կենտրոնական իշխանության հետ կապված իր բոլոր պատրանքները հօդս են ցնդել:
