Հայաստանը Հունաստանից մարդասիրական օգնություն կստանա՝ Հունաստանում հայկական կազմակերպությունների խնդրանքով՝ փոխանցում է հունական Greekcitytimes պարբերականը:
Հունաստանի ԱԳՆ-ի միջազգային զարգացման համագործակցության ծառայությունը, որպես մարդասիրական առաքելության մաս, Հայաստանին օգնություն կտրամադրի:
Մի շարք հայկական կազմակերպություններ Աթենքում ՀՀ դեսպանության օժանդակությամբ մարդասիրական օգնություն են հավաքել Արցախի պատերազմից տուժածների համար:
.jpg)
Ազգային պաշտպանության նախարարության հետ համագործակցությամբ, որը տրանսպորտային օդանավ է տրամադրում, օգնությունը Հայաստան կտեղափոխվի դեկտեմբերի 12-ին:
Մարդասիրական օգնությունը ներառում է բժշկական պարագաներ, սնունդ Արցախի պատերազմից տուժած ու տեղահանված բնակիչների համար: Օգնությունը տրամադրում են Հունաստանի հայերն ու հույները:
