Ռուսաստանում արդեն կան ՄԻԱՎ-ի դեմ պատվաստանյութի նախատիպեր: Այս մասին հայտարարել է «Ռոսպոտրեբնադզոր»-ի ղեկավար Աննա Պոպովան՝ փոխանցում է ՌԻԱ Նովոստին:
«Ռուսաստանը երկար տարիներ մասնակցում է ՄԻԱՎ վարակի դեմ պատվաստանյութի մշակմանը: Մենք ունենք մեր սեփական նախատիպերը, մեր պատվաստանյութերը», -նշել է նա:
ՌԴ առողջապահության նախարարության ՄԻԱՎ վարակի գլխավոր մասնագետ Ալեքսեյ Մազուսը նոյեմբերի վերջին հույս էր հայտնել, որ այս հիվանդության կանխարգելման համար դեղամիջոցը կհայտնվի առաջիկա տարիներին: Նա նշել է, որ աշխարհը պատվաստանյութի ներարկային ձևի հայտնաբերումից մեկ քայլ հեռավորության վրա է, երբ մեկ ներարկումը թույլ կտա պաշտպանվել վարակից:
