Անկարան Վաշինգտոնից պահանջում է ձերբակալել ու արտահանձնել Ֆեթհուլահ Գյուլենին

Թուրքիայում հեղաշրջման փորձ կատարողների հետապնդումները շարունակվում են: Ձերբակալվածների թիվն անցնում է 15 հազարից, 8 հազարը ոստիկան է, ավելի քան 7500-ը դատական համակարգի աշխատակիցներ ու զինվորականներ: Աշխատանքից հեռացվել են տասնյակ քաղաքապետեր: 9322 մարդու նկատմամբ էլ դատական գործընթաց է սկսվել: Ապստամբության կազմակերպման ու ֆինանսավորման համար թուրքական իշխանությունները մեղադրել են ընդդիմադիր քարոզիչ Ֆեթհուլահ Գյուլենին, որը բնակվում է ԱՄՆ-ում: