Տապալված ռազմական հեղաշրջում

Ստամբուլի փողոցները դարձյալ բազմամարդ են: Սակայն այս անգամ նախագահ Էրդողանի և վարչապետ Յըլդըրըմի կոչով արդեն փողոց են դուրս գալիս նրանց կողմնակիցները՝ իրենց համերաշխությունը հայտնելու գործող իշխանություններին: Գիշերն Անկարայի և Ստամբուլի փողոցներում ծանր զինտեխնիկայի և օդուժի կիրառմամբ մարտերի ընթացքում Էրդողանի կողմնակիցներից, պաշտոնական տվյալներով, զոհվել է 161 մարդ, վիրավոր է 1440-ը: Խռովարարների կորուստները կազմում են 20 զոհ, 30 վիրավոր: