ԱՄՆ կոնգրեսական Թի Ջեյ Քոքսը Թվիթերի իր միկրոբլոգում գրառում է կատարել Ադրբեջանի սանձազերծած ռազմական գործողություններից հետո Վաշինգտոնի ռազմական օգնությունն Ադրբեջանին դադարեցնելու անհրաժեշտության մասին:
«Միացյալ Նահանգները պետք է խստագույնս հակազդի մարդու իրավունքների ոտնահարմանը: Ադրբեջանի կողմից իրականացվող էսկալացիան առաջ է քաշում Բաքվին հատկացվող ռազմական օգնության դադարեցման ու Արցախի դեմ շարունակվող հարձակումների համար պատասխանատվություն կրող Ադրբեջանի իշխանությունների նկատմամբ պատժամիջոցներ կիրառելու անհրաժեշտությունը»,- Թվիթերի իր միկրոբլոգում գրել է ամերիկացի կոնգրեսականը:
The US must stand strong against violations of human rights. Escalated Azerbaijani violence has highlighted the need to cease all military aid to Baku and to sanction Azeri officials responsible for the continuation of the attacks on #Artsakh.
— TJ Cox (@TJCoxCongress) October 13, 2020
