Իրանի արտգործնախարար Ջավադ Զարիֆն առանձին հեռախոսազրույցներ է ունեցել հոլանդացի ու ավստրիացի իր պաշտոնակիցների հետ: Այս մասին տեղեկացնում են Իրանի արտգործնախարարությունից:
Նիդեռլանդների ու Ավստրիայի արտգործնախարարներ Ստեֆ Բլոկի ու Ալեքսանդր Շալենբերգի հետ առանձնազրույցներում քննարկվել է հիմնահարցերի լայն շրջանակ:
Ավստրիայի արտգործնախարարի հետ հեռախոսազրույցում կողմերը խոսել են նաև Լեռնային Ղարաբաղի հակամարտության վերջին զարգացումների մասին:
Իրանի ու Ավստրիայի արտգործնախարարներն իրենց մտահոգությունն են հայտնել Հայաստանի ու Ադրբեջանի միջև լարվածության վերջին սրացումների վերաբերյալ:
