Արցախի ԱԳ նախարարի տեղակալ Արմինե Ալեքսանյանը հարցազրույց է տվել BBC լրատվականին:
«Դժբախտաբար, միայն շփման գիծը չէ, որ անխնա հարձակման է ենթարկվում ադրբեջանական ԶՈՒ-ի կողմից: Քաղաքացիական տները, քաղաքացիական համայնքները, քաղաքներն ու գյուղերը նույնպես թիրախավորված են: Այդ պատճառով, քաղաքացիների շրջանում կան մի շարք զոհեր, և՛ սահմանամերձ տարածքներում, և՛ մայրաքաղաք Ստեփանակերտում: Առողջ բանականությունը չի կարող աջակցել այդ կարծիքին:
Մենք տեսել ենք դա 2016 թ., 2020 թ. հուլիսին, երբ Ադրբեջանը հրահրեց ագրեսիա, և մենք պետք է իսկապես օգտվենք մեր բանականությունից, փորձեք վերլուծել, թե որ կողմին է ձեռնտու սկսել այս ագրեսիան:
Ո՛չ Հայաստանը, և ո՛չ էլ Լեռնային Ղարաբաղը ոչ մի պատճառ չունեին ստեղծելու հակամարտության նոր սրացում, հատկապես երբ նրանք ջանքեր էին գործադրում վերսկսելու բանակցությունները: Ադրբեջանն է, որ բառացիորեն հայտարարել է, որ եթե այն չկարողանա Լեռնային Ղարաբաղին տիրանալ բանակցություններով, կանի դա ուժի կիրառմամբ: Մենք չպետք է մոռանանք, որ Ղարաբաղը երբեք չէ եղել անկախ Ադրբեջանի մաս։
