Միացյալ Նահանգների արևմտյան ափի մեծ մասում մոլեգնող անտառային հրդեհներն աղետալի չափերի են հասել՝ գրում է Al Jazeera-ն:
Կրակի ճիրաններում են հայտնվել Օրեգոն, Կալիֆոռնիա ու Վաշինգտոն նահանգները: Օրեգոնում ուժգին քամիները կրակը տարածում են կայծակնային արագությամբ: ԱՄՆ տարբեր շրջաններում առաջացել է կրակի ավելի քան 100 օջախ, որոնցից միայն 28-ը Կալիֆոռնիայում են, որտեղ այրվել է 930 800 հա տարածք:
Անտառային հրդեհների դեմ պայքարում են հարյուրավոր հրշեջներ: Աղետի գոտում իրականացվել է բնակիչների զանգվածային տարհանում: Արհավիրքի հետևանքով մահացել են բազմաթիվ մարդիկ, կան անհետ կորածներ ու վիրավորներ: Տարհանում է իրականացվել նաև կալանավայրերում:
Կրակի տարածմանը նպաստում են ուժգին քամիներն ու չափազանց շոգ եղանակը:
