Բելառուսի տարբեր շրջաններում բողոքի ակցիաների ժամանակ բերման է ենթարկվել մոտ չորս տասնյակ ակտիվիստ, որոնք մասնակցել են իշխանությունների կողմից չարտոնված ցույցերին: Իրավապաշտպան կազմակերպությունների տվյալով՝ միայն Մինսկում Անկախության հրապարակում ընդդիմադիրների կազմակերպած ակցիայի ընթացքում բերման է ենթարկվել 15 մարդ: Եվս երեքի ձերբակալման մասին լուրը ճշտվում է, քանի որ նրանց հարազատները ցույցից հետո չեն կարողանում գտնել տղամարդկանց:
Բելառուսի Ներքին գործերի նախարարությունից դեռևս մեկնաբանություններ չեն հնչել բերման ենթարկվածների թվի վերաբերյալ:
