Ստրասբուրգի քաղաքապետ է ընտրվել ֆրանսահայ Ժաննա Բարսեղյանը։ Այս մասին Ֆեյսբուքի էջում գրել է «Լուսավոր Հայաստան» խմբակցության ղեկավար Էդմոն Մարուքյանը:
«Ֆրանսահայ Ժաննա Բարսեղյանն ընտրվել է Ստրասբուրգի քաղաքապետ, շարունակելով իր տատիկի մոր ուղին, ով եղել է Հայաստանի առաջին հանրապետության առաջին կին խորհրդարանականներից մեկը:
Հ.Գ. Ինչպես գիտեք ԵԽԽՎ պատվիրակների համար Ստրասբուրգը երկրորդ աշխատանքային քաղաք է համարվում: Շնորհավորում եմ տիկին Բարսեղյանին Եվրոպայի քաղաքական մայրաքաղաքի ղեկավար ընտրվելու կապակցությամբ»,- գրել է նա:
Բարսեղյանը ծնվել է Փարիզի շրջանում, սակայն 2002-ին տեղափոխվել է Ստրասբուրգ, որտեղ բնակվում է մինչև օրս: Այնտեղ նա սովորել է ֆրանս-գերմանական օրենքն ու դարձել իրավաբան, բնապահպան:
Որպես էկոակտիվիստ՝ Բարսեղյանը մասնակցել է շրջակա միջավայրի պահպանությանը նվիրված բազմաթիվ նախագծերի: Նա ընտրություններում գլխավորում է Ֆրանսիայի «Եվրոպա, էկոլոգիա, կանաչներ» կուսակցության ցուցակը։
Ստրասբուրգի քաղաքապետ է ընտրվել ֆրանսահայ Ժաննա Բարսեղյանը
Բաժիններ
Դիտումներ342
