Հնդկաստանի երկու նահանգում երկու օրվա ընթացքում կայծակի հարվածներից զոհվել է 107 մարդ, հայտնում է CNN-ը:
Անցած 24 ժամվա ընթացքում միայն 24 մարդ է մահացել հյուսիսային Ուտար Պրադեշ նահանգում: Հինգշաբթի՝ հունիսի 25-ին, հարևան Բիհար նահանգում կայծակը 83 մարդու կյանք է խլել: Իշխանությունները հայտնել են, որ զոհերի ընտանիքներին կվճարի մոտավորապես 5,3 հազար դոլար փոխհատուցում:
Հնդկաստանում նմանատիպ արտակարգ իրավիճակների զոհերը ավելի հաճախ դառնում են ֆերմերները, որոնք մուսոնների ընթացքում աշխատում են դաշտերում: Ամենավտանգավոր ամիսները համարվում են մայիսն ու հունիսը:
