Եվրոպայում կորոնավիրուսային համաճարակը շարունակում է նվազել, և ԵՄ երկրները ավելի շատ են մեղմացնում կարանտինային միջոցառումները:
Իսպանիան, օրինակ, վերացրել է արտակարգ դրությունը, որն ուժի մեջ էր նախորդ երեք ամիսների ընթացքում, և սահմանները բացել է եվրոպական երկրների մեծ մասի այցելուների համար: ԵՄ-ից, Շենգենյան երկրներից և Մեծ Բրիտանիայից ժամանած մարդիկ այլևս ստիպված չեն լինի երկու շաբաթ ինքնամեկուսանալ:
Գերմանիայում, սակայն, կրկին ավելացել է R ցուցանիշը, այսինքն՝ մեկ հիվանդի կողմից վարակվածների թիվը: Ըստ Ռոբերտ Քոխի ինստիտուտի՝ կիրակի այդ թիվը 2.88 էր, շաբաթ օրվա 1,79-ի համեմատ:
