ԱՄՆ-ի Միսիսիպի նահանգում, որտեղ բնակչության մեծ մասը սևամորթ է, կորոնավիրուսից մահացածների ընտանիքները բողոքել են առողջապահության համակարգում տիրող ռասայական խտրականությունից: Այստեղ հիվանդանոցները հրաժարվում են ընդունել սևամորթ և աղքատ բնակչությանը:
«Համաճարակը ցույց տվեց, որ Ամերիկայի առողջապահության համակարգը չի սպասարկում բոլոր քաղաքացիներին», - ասել է Հարվարդի համալսարանի պատմության ամբիոնի վարիչ Էվելին Հեմմոնդսը: Նրա կարծիքով ՝ սևամորթներին չեն օգնում, հիվանդանոցներում հրաժարվում են նրանց բուժել, անտեսվում են առողջապահության համակարգին ուղղված նրանց դիմումները:
Գիտնականները նշել են, որ Միացյալ Նահանգներում սևամորթ վարակակիրները մյուսներից երեք անգամ ավելի շատ են: Միսիսիպիում աֆրոամերիկացիները բնակչության 37 տոկոսն են, ընդ որում դրա 52 տոկոսը կազմում են COVID-19-ից մահացածները:
