ԱՄՆ սննդի ու դեղորայքի վերահսկողության վարչությունը հավանության է արժանացրել COVID-19 կորոնավիրուսային վարակի ծայրահեղ դեպքերի ժամանակ «Ռեմդեսիվիր» դեղամիջոցի կիրառումը: Այս մասին տեղեկությունները հրապարակվել են վարչության կայքում՝ գրում է Интерфакс-ը:
FDA-ը հայտնում է, որ «Ռեմդեսիվիր» դեղամիջոցը կլինիկական հետազոտության ժամանակ մի շարք հիվանդների մոտ կրճատել է բուժման ընթացքը, սակայն դեղամիջոցի արդյունավետության ու անվտանգության մասին ամբողջական տեղեկատվություն դեռևս չկա: Այսպիսով, «Ռեմդեսիվիր» ստացած հիվանդներն ապաքինվում են միջինը 11 օրում:
Դեղամիջոցը թույլատրվում է օգտագործել վարակված այն մեծահասակների ու երեխաների բուժման ժամանակ, որոնք ծանր վիճակում են, և որոնց մոտ զարգանում է շնչառական անբավարարություն:
«Ռեմդեսիվիրը» օգտագործվել է Էբոլայի, SARS և MERS վարակների բուժման ժամանակ:
