Եվրամիությունը հրաժարվել է Լիբիայում ճանաչել երկրի ազգային բանակի հրամանատար Խալիֆա Հաֆթարի իշխանությունը: Այս մասին հայտնել է ТАСС գործակալությունը:
Եվրոպական կառույցը հայտնել է, որ չի ճանաչի «միակողմանի գործողություն առաջ քաշելու որևէ փորձ, քանի որ այն չի հանգեցնի հակամարտության կայուն հանգուցալուծման»:
Ավելի վաղ Լիբիայի ազգային բանակի ղեկավարությունը հայտարարել էր երկրի կառավարումն իր ձեռքն առնելու մասին: Հաֆթարը հայտնել էր 2015-ի ՄԱԿ-ի միջնորդությամբ ստորագրված համաձայնագրի գործունեության դադարեցման մասին, որի արդյունքում ձևավորվել էր ազգային համաձայնության կառավարությունը:
