Կորոնավիրուսի համավարակի պայմաններում Պորտուգալիան երկրում գտնվող բոլոր ներգաղթյալներին ու ապաստան հայցողներին ժամանակավորապես տրամադրում է քաղաքացիության բոլոր իրավունքները՝ երկրի առողջապահության համակարգից լիիրավ օգտվելու նպատակով: Այս մասին տեղեկացնում է CNN-ը:
Այս որոշումը միանշանակ կերաշխավորի Պորտուգալիա ներգաղթի համար դիմած բոլոր օտարերկրացիների իրավունքները մինչև հունիսի 30-ը:
Պորտուգալիայի Նախարարների խորհուրդը հայտարարել է, որ որոշումը պայմանավորված է հանգամանքով, որպեսզի նվազեցվի հասարակության առողջությանը սպառնացող ռիսկը:
