Սիրիայի իրադրությունը քանդում է ամուր թվացող հարաբերությունները: Այդ երկրի հարցով ռուս-թուրքական բանակցությունների նոր փուլի նախօրեին նախագահ Բաշար Ասադի զորքերը, ռուսական ավիացիայի աջակցությամբ, զգալի հաջողությունների են հասել Հալեպի հյուսիսարևմտյան նահանգում՝ գրավելով ապստամբների հսկողության տակ գտնվող տարածքի մեծ մասը: Սա լրջորեն մտահոգել է սիրիական խնդրով շագահրգիռ մյուս կողմերին:
Թուրքիան և ԱՄՆ-ը կարծես միավորվում են Ռուսաստանի դեմ Իդլիբի հարցում: Տեղի է ունեցել երկու երկրների նախագահների հեռախոսազրույցը, որի ժամանակ նախագահ Թրամփը քննադատել է Մոսկվային Ասադի բանակին աջակցելու համար: Նա կոչ է արել Ռուսաստանին՝ դադարեցնել աջակցությունը Բաշար Ասադի և սիրիական իշխանությունների «վայրագություններին»:
Թուրքիայի և Ռուսաստանի արտգործնախարարները մյունխենյան համաժողովում միմյանց են ներկայացրել իրենց դժգոհությունները:
Իսկ Իրանի խորհրդարանի խոսնակ Ալի Լարիջանիի հետ հանդիպման ժամանակ Բաշար Ասադն ասել է, որ «Սիրիայի ժողովուրդը վճռականորեն ամբողջ երկիրն ազատում է ահաբեկչությունից»:
