Թուրքիայի նախագահ Ռեջեթ Թայիփ Էրդողանը դատական հայց է ներկայացրել ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուի դեմ՝ հերթական անգամ նրանից փոխհատուցում պահանջելով։
Քըլըչդարօղլուն կուսակցության ժողովի ժամանակ ոչ միայն սուր քննադատության էր ենթարկել Թուրքիայի նախագահի սիրիական քաղաքականությունը, այլև հայտարարել էր, թե ահաբեկչական համարվող գյուլենականների քաղաքական թևը Թուրքիայում ներկայացնում է ոչ այլ ոք, քան ինքը՝ Ռեջեփ Թայիփ Էրդողանը։
Ընդդիմադիր գործչի այս հայտարարությունից հետո Էրդողանը դատարան է դիմել՝ պահանջելով 500,000 լիրա փոխհատուցում։
