Սենատը կսահամանափակի Թրամփի՝ Իրանի դեմ ռազմական գործողությունների լիազորությունը
ԱՄՆ Սենատը մտադիր է հինգշաբթի օրը բանաձև ընդունել, որով կսահմանափակվեն ԱՄՆ նախագահ Դոնալդ Թրամփի լիազորությունները՝ Իրանի դեմ ռազմական գործողություններ վարելու համար: Դրա համար նույնիսկ հանրապետականների կողմից են անհրաժեշտ քանակությամբ ձայներ հավաքվել՝ գրում է ամերիկյան հայտնի Politico պարբերականը:
Հիշեցնենք, որ ավելի վաղ ԱՄՆ Ներկայացուցիչների պալատն էր ընդունել նման բանաձև, որն իրականում օրենքի ուժ չունի: Սենատի կողմից ընդունված փաստաթուղթը արդեն օրենքի ուժ կստանա, եթե, իհարկե, նախագահ Թրամփը հաստատի այն:
Հայտնի է, որ ԱՄՆ նախագահն արդեն իսկ սուր քննադատության է ենթարկել բանաձևը՝ հայտարարելով, որ «այժմ ժամանակը չէ թուլություն դրսևորելու համար»:
