Կորոնավիրուսի վարակը գրանցվել է Չինաստանի բոլոր շրջաններում: Մահաբեր ախտի զոհերի թիվը հասել է 170-ի: Չինաստանի առողջապահության նախարարության հաստատած տվյալներով՝ վարակակիրներն արդեն 8 հազար են: Կորոնավիրուսը, Չինաստանից բացի, տարածվել է 17 երկրում, որտեղ գրանցվել է վարակի 104 դեպք:
Չինաստանում օրեցօր խստացվում են սահմանափակումները, որոշ շրջաններում ամբողջովին արգելված է մարդկանց տեղաշարժը: Այսօր արտահերթ նիստ է հրավիրել Առողջապահության համաշխարհային կազմակերպությունը՝ քննարկելու առողջապահության գլոբալ արտակարգ իրավիճակ հայտարարելու վերաբերյալ թեման:
