ՌԴ նախագահ Վլադիմիր Պուտինն իրեն շրջապատել է մարդկանցով, որոնք չեն կարող բարձրաձայնել նրա սխալականության մասին: Նման տեսակետ է հայտնել լրագրող ու հաղորդավար Վլադիմիր Պոզները: Հանրահայտ լրագրողի խոսքով՝ հաջողություն կարելի է ակնկալել միայն այն դեպքում, եթե նախագահն իրեն շրջապատի այնպիսի մարդկանցով, որոնք կարող են չհամաձայնել Պուտինի դիրքորոշմանը:
«Այնպիսի մարդկանցով, որոնք ավելի խելացի են, ավելի լավ են հասկանում իրենց գործից, քան նա»,- ասել է նա:
Վլադիմիր Պոզները նաև նշել է, որ պետության ղեկավարը պետք է լսի բոլորին, սակայն որոշում կայացնի՝ հիմք ընդունելով միայն ճշտված տեղեկատվությունը:
