Հայ գեղանկարիչների ցուցահանդես Ստամբուլում

Դեկտեմբերի 20-ից հունվարի 20-ը Ստամբուլի Canvas Art Investments սրահում գործելու է Armenian Painters In the Ottoman Empire («Օսմանյան կայսրության հայ գեղանկարիչները») ցուցահանդեսը: Այս մասին գրել է Ermenihaber-ը՝ վկայակոչելով Superhaber լրատվական կայքը: Ընդ որում, կայքը հիշեցնում է, որ հայերը կայսրությունում մեծ  հռչակ են վայելել հատկապես ճարտարապետության ու գեղանկարչության ոլորտում: Թուրքական գեղանկարչության մեջ շրջադարձային կետը ևս հնարավոր է եղել հայ նկարիչների շնորհիվ. «Արևմտյան մտածողությամբ կտավի վրա յուղաներկով նկարելու տեխնոլոգիան օսմանյան գեղանկարչության մեջ առաջինը կիրառել են հայ գեղանկարիչները»: