ԱՄՆ նախագահ Դոնալդ Թրամփը ժամանել է Չինաստան՝ մասնակցելու Շենժենում անցկացվող Ասիա-խաղաղօվկիանոսյան տնտեսական համագործակցության գագաթնաժողովին, որի շրջանակում նախատեսվում է ԱՄՆ-ի, Ռուսաստանի և Չինաստանի նախագահների եռակողմ պատմական հանդիպումը։ Դոնալդ Թրամփը, Վլադիմիր Պուտինը և Սի Ծինփինը կարճ, ոչ ֆորմալ զրույց են ունեցել գագաթնաժողովի մասնակիցների լուսանկարման արարողության ժամանակ։
Մինչ այդ Թրամփն այցելել է Ֆիլիպիններ, որի հետ առևտրային համաձայնագիր է կնքվել:
«Ձեռք ենք բերել նոր, բոլորովին այլ բնույթի առևտրային փաստաթուղթ։ Սա իսկապես նշանակալի իրադարձություն կլինի և մեծ օգուտ կբերի մեր ֆերմերներին ու էներգետիկ ոլորտի դերակատարներին»,- մանրամասնել է ԱՄՆ նախագահը: Ֆիլիպիններում Սպիտակ տան ղեկավարը մասնակցել է Հարավարևելյան Ասիայի երկրների ասոցիացիայի գագաթնաժողովին, նաև Քառյակի երկրների ղեկավարների հանդիպմանը, որին անդամակցում են ԱՄՆ-ն, Ճապոնիան, Ավստրալիան և Հնդկաստանը։
Լրագրողների հետ զրույցում Թրամփը նշել է, որ լավ հարաբերություններ ունի այդ երկրների հետ։









