Եվրամիությունը Հունգարիային կհատկացնի միջոցների առաջին մասը, որոնք տարիներ առաջ սառեցվել էին նախորդ վարչապետ Վիկտոր Օրբանի կառավարության թույլ տված խախտումների պատճառով: Եվրահանձնաժողովը սեպտեմբերի 23-ին առաջարկել է Բուդապեշտին 4,2 մլրդ եվրո հատկացնել համախմբման հիմնադրամից, որն արգելափակվել էր իրավունքի գերակայության սկզբունքը չկատարելու պատճառով:
Միջոցների ապասառեցումից բացի Եվրահանձնաժողովն առաջարկում է վերականգնել Հունգարիայի լիակատար հասանելիությունը Erasmus ուսանողական փոխանակման եվրոպական ծրագրին և Horizon Europe հետազոտությունների ու նորարարությունների ծրագրին: «Հունգարիան կարևոր քայլեր է ձեռնարկել օրենքի գերակայությունն ամրապնդելու և ԵՄ ֆինանսական շահերը պաշտպանելու համար», - բացատրել է Եվրահանձնաժողովի նախագահ Ուրսուլա ֆոն դեր Լայենը։
Մեկ ամսվա ընթացքում 4,2 միլիարդ եվրոյի ապասառեցման որոշումը պետք է հաստատի ԵՄ խորհուրդը, որը բաղկացած է 27 անդամ պետության ներկայացուցիչներից։
