Պենտագոնը հերքել է Wall Street Journal-ի այն հայտարարությունը, թե Իրանին հակահարված տալու նպատակով Միացյալ Նահանգները լրացուցիչ 14 հազար զինվորական է ուղարկում Մերձավոր Արևելք:
Ավելի վաղ, ամերիկյան պարբերականը հոդված էր հրապարակել, որի համաձայն Վաշինգտոնի հավանական զորակազմի մեջ կմտնեն տասնյակ ռազմանավեր ու այլ զինտեխնիկա:
Պենտագոնը հայտարարել է, որ Wall Street Journal-ում հրապարակված տեղեկությունը չի համապատասխանում իրականությանը: Ուժային կառույցի խոսնակն իր Twitter-ի էջում գրել է.
«Հստակեցնելու համար ասեմ, որ տեղեկությունը չի համապատասխանում իրականությանը: ԱՄՆ-ն մտադիր չէ լրացուցիչ 14 հազար զինվորական ուղարկել Մերձավոր Արևելք»:
