Երևան-Սևան ավտոճանապարհին ծառը կողաշրջվել է. փրկարարները հեռացրել են այն
Օգոստոսի 13-ին՝ ժամը 13։57-ին, Կոտայքի մարզային օպերատիվ կառավարման կենտրոն ահազանգ է ստացվել, որ Երևան-Սևան ավտոճանապարհի 48-րդ կմ-ի հատվածում ծառը կողաշրջվել է, ինչի հետևանքով ճանապարհը մասնակի փակվել է։ Այս մասին տեղեկացնում են Փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի Ծաղկաձորի հենակետի օպերատիվ խումբը։
Փրկարարները ծառը հեռացրել են ճանապարհի երթևեկելի գոտուց․ երթևեկությունը վերականգնվել է։
