Հունիսի 26-ին ՊՆ վարչական համալիրում տեղի է ունեցել պաշտպանության նախարարին կից հասարակական խորհրդի անդրանիկ նիստը։ Այդ մասին ասված է պաշտպանության նախարար Սուրեն Պապիկյանի Ֆեյսբուքի էջում:
«Շնորհակալություն եմ հայտնել ներկաներին՝ խորհրդի կազմում ընդգրկվելու հայտ ներկայացնելու համար, և նշել, որ ողջունելի ու կարևոր է հասարակական խորհրդում հանրային ոլորտի տարբեր գործիչների ներգրավվածությունը։
Կարևորելով բանակ-հասարակություն կապի ամրապնդումը՝ ընդգծել եմ, որ այդ ուղղությամբ ակնկալվում է հասարակական խորհրդի նշանակալի դերակատարումը։
Խորհրդի առաջին նիստի ընթացքում քննարկվել և նախանշվել են համագործակցության հիմնական ուղղությունները, նաև այն հարթակները, որոնց միջոցով մեկնարկելու է փոխգործակցությունը»,- նշված է գրառման մեջ։
