Խուզարկություններ Ավան վարչական շրջանի «Ուժեղ Հայաստանի» գրասենյակներում. կա 5 ձերբակալված
Ավան վարչական շրջանի «Ուժեղ Հայաստանի» գրասենյակներում խուզարկություններ են իրականացվում: Այդ մասին 1lurer.am-ի հարցմանն ի պատասխան հայտնեցին ՀՀ հակակոռուպցիոն կոմիտեից:
«Խուզարկություններն իրականացվում են ընտրակաշառք տալու, ստանալու դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակում։
Ձերբակալվել է հինգ անձ։
Անհրաժեշտության դեպքում կտրվի լրացուցիչ տեղեկատվություն»,- հայտնում են ՀՀ հակակոռուպցիոն կոմիտեից։
