ԿԳՄՍ նախարարին կից խորհրդի նիստում կքննարկեն մինչև 16 տարեկանների մուտքը սոցցանցեր սահմանափակելու նախագիծը
Մայիսի 15-ին՝ ժամը 16:00-ին, տեղի կունենա ՀՀ կրթության, գիտության, մշակույթի և սպորտի նախարարին կից հասարակական խորհրդի հերթական նիստը: Այս մասին տեղեկացնում են ԿԳՄՍՆ-ից:
Օրակարգում ներառված է մեկ հարց՝ մինչև 16 տարեկան երեխաների մուտքը սոցիալական ցանցեր սահմանափակելու վերաբերյալ նախագծի ներկայացում:
Բացման խոսքով հանդես կգա ԿԳՄՍ նախարար Ժաննա Անդրեասյանը, իսկ հարցը կզեկուցի նախարարի տեղակալ Արաքսիա Սվաջյանը:
