Նոր կենսաչափական համակարգը կաթվածահար է արել ԵՄ օդանավակայանները. The Guardian
Օդանավակայանների միջազգային խորհուրդը (ACI) զգուշացրել է, որ ապրիլի 10-ին լիովին գործարկված սահմանային վերահսկողության նոր կենսաչափական համակարգը (EES) ժամերով հերթեր է առաջացրել Ֆրանսիայի, Գերմանիայի, Բելգիայի, Իտալիայի, Իսպանիայի և Հունաստանի օդանավակայաններում, իսկ ամառային զբոսաշրջային սեզոնին իրավիճակը սպառնում է «կոլապսի» վերածվել՝ հաղորդել է լոնդոնյան The Guardian-ը։
ACI-ի եվրոպական բաժանմունքի ղեկավար Օլիվիե Ժանկովեցը հայտարարել է, որ պիկ ժամերին ուղևորները ստիպված են սպասել մինչև երեք ժամ: Ryanair-ի գլխավոր տնօրեն Մայքլ Օ'Լիրին համակարգն անվանել է «բացարձակ խայտառակություն»: Նա կոչ է արել հետաձգել EES-ի լիարժեք գործարկումը մինչև հոկտեմբեր՝ վկայակոչելով մի շարք օդանավակայաններում մինչև չորս ժամ տևող հերթերը:
Ոլորտի ներկայացուցիչները Եվրահանձնաժողովից պահանջել են թույլ տալ սահմանային ծառայություններին ամբողջությամբ դադարեցնել համակարգի աշխատանքը չափազանց ուշացումների դեպքում:
Եվրահանձնաժողովը քննադատության հետ չի համաձայնել. նրա տվյալներով՝ համակարգն աշխատում է սովորական ռեժիմով, իսկ մեկ ճանապարհորդի ձևակերպման համար միջինը 70 վայրկյան է պահանջվում: ACI - ն այս ցուցանիշն անիրատեսական է անվանում՝ կազմակերպության հաշվարկներով ՝ ընթացակարգի իրական ժամանակը հինգ անգամ ավելի է։
Համակարգն աստիճանաբար ներդրվել է 2025 թվականի հոկտեմբերից, Չեխիան, Էստոնիան և Լյուքսեմբուրգն առաջատարներն են։ EES-ը փոխարինել է անձնագրերի ձեռքով դրոշմումը: Այժմ երրորդ երկրների քաղաքացիները Շենգենյան գոտի մուտք գործելիս անցնում են կենսաչափական գրանցում՝ ներկայացնելով լուսանկար և մատնահետքեր։ 2026 թվականի ապրիլի 10-ի դրությամբ Շենգենյան գոտու բոլոր 29 երկրներն արդեն անցել է այդ համակարգին։ ԵՄ քաղաքացիները, բնակության թույլտվություն ունեցողները և դիվանագետներն ազատված են ընթացակարգից։
