ՆԱՏՕ-ի երկրները պետք է ավելի շատ ներգրավված լինեն Իրանում իրականացվող գործողությանը։ Այդ մասին հայտարարել է ԱՄՆ նախագահ Դոնալդ Թրամփը՝ պատասխանելով հարցին, թե արդյոք Պարսից ծոցում գտնվող ամերիկյան դաշնակիցներն ավելի շատ պետք է ներգրավված լինեն Իրանի դեմ գործողությանը։
Նա նաև վստահություն է հայտնել, որ Մերձավոր Արևելքում ԱՄՆ դաշնակիցները բավականին լավ են գործել ստեղծված իրավիճակում։
Հիշեցնենք՝ փետրվարի 28-ին Միացյալ Նահանգները և Իսրայելը սկսել են հարվածներ հասցնել Իրանում գտնվող թիրախներին։ Իրանը հակադարձել է Իսրայելի տարածքին, ինչպես նաև Մերձավոր Արևելքում գտնվող ԱՄՆ ռազմական թիրախներին հարվածներով և Հորմուզի նեղուցը փակելով։
